Saluton al ĉiuj instruemuloj!
Ĉi-jare dum SES (http://lernu.net/ses), ILEI kaj E@I aranĝos seminarion pri instruado de Esperanto kadre de la projektoj "Flugiloj de Malfacila Vento" (http://eo.wikipedia.org/wiki/Flugiloj_de_Malfacila_Vento) kaj Interkulturo. Ĉiuj kiuj ŝatus ekinstrui la lingvon, aŭ iom jam instruis Eon sed ŝatus pli trejniĝi pri tio, havos bonan ŝancon partopreni interesan kaj utilan aranĝon en internacia kaj junulara etoso! La seminario aparte koncentriĝos je la interkultura flanko de Esperanto-instruado.
ILEI pretas doni stipendion al kelkaj partoprenantoj de la seminario kaj tiel pagi kotizon, restadkostojn kaj ĝis 100 eŭrojn por la vojaĝo. Se vi interesiĝas pri tiu stipendio, plenigu kaj sendu la alkroĉitan demandaron al rade ĉe ikso.net antaŭ la 1a de majo.
Gvidos la seminarion Radojica Petrovic (ILEI-estrarano, sperta Eo-instruisto, kunordiganto de la projekto Interkulturo) kun kelkaj "gastprelegantoj", i.a. Mark Fettes el Kanado. Pliaj informoj pri la seminario legeblas ĉe http://eo.lernu.net/pri_lernu/renkontighoj/SES/instruado.php.
Amike, Hokan